منصة واضح -بغداد
أثار تسجيل صوتي مسرب للأمين العام لحزب الحل، جمال الكربولي، جدلاً واسعاً على منصات التواصل الاجتماعي، بعد أن وجّه فيه سيلاً من الاتهامات والانتقادات الحادة لعدد من ساسة المكون السني، واصفاً بعضهم بألفاظ جارحة ومتهماً آخرين بالفشل في إدارة الملفات السياسية وتقاسم النفوذ.
ويكشف التسجيل كواليس مثيرة تتعلق بتفاهمات داخلية وصراعات على الوزارات والمناصب، إضافة إلى تحالفات إعلامية تستهدف خصومه.
وقال الكربولي في التسجيل الذي حصلت عليه منصة "واضح"، إن "أبو مازن حمار (النائب احمد الجبوري)"، مضيفا :"بقانون الحياة اكتشفت بهاي الفترة الصغيرة، أكبر غبي اللي يجيب من عشيرته ويخلي بمكان لأن رأساً يتفرعن عليه، الا ما رحم ربي".
وتابع: "لازم تخليهم جوه ايدك، هو جاب رائد وقلب عليه (يقصد أبو مازن)، وجاب قتيبة وقلب عليه، وجاب عمار جبر وقلب عليه كلهم"، واصفا أبو مازن بـ"الحمار"، فيما سألته: "شوكت تتعض؟".
واستدرك الكربولي بالقول: "اتصلت بمثنى السامرائي وكتله انطي الدفاع لابو مازن، واخذ التربية، وكتله ننطي الدفاع واني اجيب ثابت على الدفاع شلك علاقة وانت اخذ التربية وجيب واحد الك، عايل؟".
وأشار الى ان "مثنى حمار ومو شغلته"، مردفا بالقول: "خميس الخنجر جان يحجي وي طه المجمعي، كاللهم شوفوا اني كتلكم ماكو سياسي غير جمال وانت (خميس) لو مدخل جمال وياك جان اربع وزارات اخذتهن الك، وجان الحلبوسي حصرته بزاوية".
وأكمل كلام المجمعي للخنجر: "بس ما تعرف تشتغل الف مرة اكلجمال هاي شغلته يعرف شلون يفر اللعبات، اني لو عليه ما اخذ غير التخطيط اريد بس وحدة، ما اخذ لا التجارة ولا الثقافة، بس التخطيط ونائب رئيس الوزراء".
ثم تطرق إلى رئيس البرلمان السابق، قائلاً: "الحلبوسي يكول في حياتي ما شايف حرامي مثل الخنجر"، لافتا الى أن :الحلبوسي ما يشتري ثابت العباسي بنعال، وثابت يموت من خميس ويدعي هو صديقه".
وتحدث عن توقيع مشترك بين قناتي دجلة والشرقية لضرب خصومه من خلال الاعلام، ثم ثال إن "سعد البزاز لا يطيق الحلبوسي "، مردفا: "البزاز كال لو عندي كتلة مال اوادم اكعد الحلبوسي بالبيت".
